ფინანსური ანგარიშგების როლი ეკონომიკურ ინტეგრაციულ პროცესებში
საკვანძო სიტყვები:
ეკონომიკური ინტეგრაცია, ფინანსური ანგარიშგება, მმართველობითი ანგარიშგება, ინტეგრირებული ანგარიშგებაანოტაცია
ფინანსური ანგარიშგების როლი დარგობრივ და ვიწრო სპეციფიკურ ფარგლებს სცილდება. სტატიაში გამოკვეთილია, რომ საერთაშორისო სტანდარტების შესაბამისად, გამართულად შედგენილი ფინანსური ანგარიშგება კერძო სექტორში ინვესტიციების მოზიდვის, სამუშაო ადგილების შექმნის, კონკურენტუნარიანობის ამაღლების, ფინანსური სტაბილურობის უზრუნველყოფისა და რეგიონების მდგრადი განვითარების საწინდარია; ფინანსური ანგარიშგების გამოქვეყნების პრაქტიკის დამკვიდრება ზრდის ნდობისა და გამჭვირვალობის ხარისხს, სპობს კორუფციას, აადვილებს გადაწყვეტილებების მიღებას და დაბალანსებული სახელმწიფო პოლიტიკის უკეთესად წარმართვის შესაძლებლობას იძლევა. გლობალიზაციისა და ეკონომიკური ინტეგრაციის გარდაუვალ პროცესებში, ფინანსური ანგარიშგება კეთილგანწყობილი შუამავლის ფუნქციას იძენს და დაპირისპირებულ მსოფმხედველობრივ პოზიციებს აახლოებს.
