მოგება და რენტაბელობა, როგორც წარმოების ეკონომიკური ეფექტიანობის შეფასების მაჩვენებლები
DOI:
https://doi.org/10.52340/bal/2023.01.11Ключевые слова:
მოგება, რენტაბელობა, ეფექტიანობა, ანალიზი, მაჩვენებლები, შემოსავლები, ხარჯებიАннотация
პრაქტიკით დასტურდება, რომ ინტეგრაციულ ურთიერთობებში ჩართული საწარმოების წარმოებრივი სუვერენიტეტის დაცვა, ეკონომიკური კონკურენციის დაძლევა და ბიზნესის სწორად წარმართვა, მოითხოვს რესურსების მინიმალური დანაკარგებით მაღალი პოზიტიური ფინანსური შედეგებით ფუნქციონირებას. მენეჯერები ვალდებული არიან აკონტროლონ წარმოების ეკონომიკური ეფექტიანობა, რომლის შეფასება შესაძლებელია მოხდეს მოგებისა და რენტაბელობის მაჩვენებლების მეშვეობით. ანალიზის ინფორმაციის წყაროდ გამოიყენება საწამოს ბიზნეს-გეგმა, ფინანსური ანგარიშგებისა და ბუღალტრული აღრიცხვის ინფორმაცია.
წარმოების ეფექტიანობის დახასიათებისათვის, მოგების მაჩვენებლები სხვადასხვა დონეზე განისაზღვრება და მიიღება მოგების შემდეგი სახეობები: პროდუქციის რეალიზაციიდან მიღებული მოგება, საოპერაციო მოგება, საბალანსო მოგება, წმინდა მოგება და გაუნაწილებელი მოგება. აღნიშნული მაჩვენებლები აბსოლუტური მაჩვენებლებია, რომელთა დახმარებით შეიძლება გავაანალიზოთ რამდენიმე წლის მოგების დინამიკა. წარმოების ეფექტიანობის შეფასება ხდება შეფარდებითი მაჩვენებლით, რომელიც ცნობილია რენტაბელობის სახელწოდებით. რენტაბელობის მაჩვენებლების ეკონომიკური არსი მდგომარეობს იმაში, რომ ისინი ახასიათებენ მოგებას, რომელიც საწარმოში დაბანდებული საკუთარი ან ნასესხები კაპიტალის ერთი ლარიდან არის მიღებული. მოგების თანხა გვიჩვენებს რენტაბელობის მოცულობას, ხოლო რენტაბელობის დონე - რაოდენობრივი მაჩვენებლების ურთიერთშეფარდებას, გამოხატულს პროცენტებით ან კოეფიციენტებით, რომელიც განსაზღვრავს ბიზნესის მომგებიანობის დონეს.
ამრიგად, მენეჯერები მოგებისა და რენტაბელობის მაჩვენებლების ანალიზის საფუძველზე მიღებული ახალი გადაწყვეტილებებით უზრუნველყოფენ მიაღწიონ წარმოების რაციონალური ეკონომიკურ ეფექტიანობას.
Библиографические ссылки
ი. ჭილაძე ., ფინანსური ანალიზი, მესამე გადამუშავებული გამოცემა, თბ .2021;
ი. ქვაჩახია., თეორიული ეკონომიკა, თბ.1996.
