კანონში დროის შესაბამისი ცვლილებები უნდა შევიდეს

ანოტაცია

დადგა 2015 წელი. ეს უკვე მესამე წელია მოქმედებაშია საქართველოს კანონი „ბუღალტრული აღრიცხვისა და ფინანსური ანგარიშგების აუდიტის შესახებ". ყველა გრძნობთ და იცით, რომ ძალადობრივი წარსულის პირმშო ხარვეზების, თვითრეგულირებაზე დაფუძნებული მონოპოლიური და კორუფციული ზრახვების შემცველი დებულებების გამო, აღნიშნული კანონი ფაქტობრივად არ მუშაობს. შედეგად, კერძო სექტორში ბუღალტრული აღრიცხვა სავალალო მდგომარეობაშია; აუდიტორთა უმრავლესობას პრაქტიკულად წაერთვათ ფუნქციონირების შესაძლებლობა, შეფერხდა პროფესიისა და დარგის განვითარება, რაც მთლიანობაში, პირდაპირ თუ ირიბად, ბიუჯეტის შესრულებაზე, შესაბამისად, ქვეყნის ეკონომიკაზეც უარყოფითად აისახება.