ორმაგი დაბეგვრის თავიდან აცილებასთან დაკავშირებით საქართველოს მიერ გაფორმებული ხელშეკრულებების ეკონომიკური ეფექტიანობა

ანოტაცია

თანამედროვე ეტაპზე, ქვეყნებს შორის სოციალურ - ეკონომიკური განვითარების რეგიონთაშორისი ურთიერთობების ინტენსიფიკაცია აძლიერებს შრომისა და კაპიტალის გადაადგილებას.
საკომუნიკაციო ტექნოლოგიების შემდგომი სრულყოფა მნიშვნელოვნად ამსუბუქებს და თავის მხრივ, სტიმულს აძლევს კომპანიებს, რომ ერთდროულად ბიზნესსაქმიანობა აწარმოონ ერთზე მეტ ქვეყანაში. საერთაშორისო ორმაგი დაბეგვრის პრაქტიკა კი, ხელს უშლის საერთაშორისო ბიზნესსაქმიანობის წარმოების მასშტაბების ზრდას, რაც გამოიხატება კაპიტალის თავისუფალად გადაადგილების შეზღუდვაში, არაჯანსაღი საინვესტიციო გარემოს ჩამოყალიბებაში, შრომის დანაწილების საერთაშორისო ბაზარზე დეფიციტის შექმნაში.