ფისკალური და მონეტარული პოლიტიკა საქართველოს გარდამავალ ეკონომიკაში

ანოტაცია

ფისკალური და მონეტარული პოლიტიკის კოორდინაციის ცალკეული ასპექტები გაშუქებული აქვთ როგორც უცხოელ, ასევე ქართველ მეცნიერ ეკონომისტებს. ამ მხრივ, უპირველესად, აღ­ სანიშნავია ,,ნეოკლასიკური სინთეზისა და ფისკალური და მო­ნეტარული პოლიტიკის კოორდინაციის თეორიის ფუძემდებელი პ. სამუელსონი. როგორც ის აღნიშნავს, ,,ფულად­საკრედიტო და ფისკალური პოლიტიკა კოორდინირდება პროგრესირებადი ეკონომიკის მიღწევის მიზნით, რომელიც უზრუნველყოფს ფა­სების სტაბილურობას და საწარმოო პოტენციალის ამაღლებას. მისი აზრით, ,,მთელ თავისუფალ მსოფლიოში მთავრობები და ცენტრალური ბანკები აჩვენებენ, რომ მათ შეუძლიათ გადალა­ხონ ეკონომიკის რეცესია. მათ აქვთ ფისკალური და ფულად­საკ­რედიტო პოლიტიკის ინსტრუმენტები, რომელთა დახმარებითაც შეიძლება იმ ფაქტორებზე ზემოქმედება, რომლებიც განსაზღვ­რავენ ეროვნული შემოსავლისა და დასაქმების ზრდას.