საბანკო მოგება საქართველოში

ანოტაცია

თანამედროვე მსოფლიოში ქვეყნის ეკონომიკური განვითარება მნიშვნელოვნადაა დამოკიდებული საფინანსო სისტემის ეფექტიან და მდგრად ფუნქციონირებაზე. საფინანსო სისტემა, რომელიც აერთიანებს საბანკო სისტემასა და საფინანსო ბაზრებს, უზრუნველყოფს ჭარბი ლიკვიდური სახსრების გადანაწილებას იმ ეკონომიკურ აგენტებზე, რომელთაც სჭირდებათ ფულადი სახსრები სხვადასხვა მიზნების დასაფინანსებლად. გამომდინარე იქიდან, რომ საქართველოში საფინანსო ბაზრების განვითარების დონე ჯერ კიდევ ჩანასახოვან მდგომარეობაშია საბანკო სექტორის საიმედოობა და მდგრადობა მთავარ როლს თამაშობს ეკონომიკური ზრდის სტიმულირებაში.