„რბილი ძალის“ ფენომენი სამხრეთ კორეის რესპუბლიკის საგარეო პოლიტიკაში

ანოტაცია

წარმოდგენილ ნაშრომში განხილულია „რბილი ძალის“ ეროვნულ სტრატეგიები კორეის რესპუბლიკის საგარეო პოლიტიკაში, გაანიზებულია ამ სახელმწიფოს მიერ „რბილი ძალის“ გამოყენების ძირითადი მიდგომები, რესურსები, ინსტრუმენტები, მიზნები და შედეგები დღევანდელ ეტაპზე. სამხრეთ კორეაში „რბილი ძალის“ კონცეფცია განსაკუთრებულ აკადემიურ ინტერესს იწვევს, რადგან სეულმა იგი საგარეო პოლიტიკის სტრატეგიაში შეიტანა და გარდა ამისა, დიდი რესურსი ჩადო მსოფლიო ასპარეზზე მის დაწინაურებაში. ეროვნული ენების პოპულარიზაცია და კულტურისა და ტრადიციების გავრცელება საზღვარგარეთ უკვე მოქმედებს, როგორც ეფექტური იარაღი „რბილი ძალის“ განხორციელებისთვის, რომლის დახმარებითაც მთავრობები აყალიბებენ ქვეყნის პოზიტიურ იმიჯს.

თანამედროვე სახელმწიფოთაშორის ურთიერთობებში კატეგორიას „ძალა“ აქვს  ცვლადი მნიშვნელობები. ათასობით წლის განმავლობაში, ძალა ტრადიციულად იდენტიფიცირებული იყო სამხედრო ძალასთან, რომელიც დღემდე რჩება სახელმწიფოს პრესტიჟის მთავარ ინდიკატორად საერთაშორისო ასპარეზზე. თუმცა, 1980-იანი წლების შუა პერიოდიდან საერთაშორისო ურთიერთობების თეორიაში ძალის ტრადიციული (სამხედრო) გაგება იცვლება და პოლიტიკურ  თუ აკადემიურ ლიტერატურაში შემოდის ახალი ცნება  „რბილი ძალა“. სწორედ ამ საკითხების  გაშუქებას ისახავს მიზნად  წინამდებარე  ნაშრომი.