ინოვაციურობა და დემოკრატიული პროცესი

ანოტაცია

სამეცნიერო-ტექნოლოგიური პროგრესი, როგორც განვითარების ინფორმაციული ფორმის უმთავრესი კომპონენტი, საზოგადოებრივ ცხოვრებაში ინოვაციური პროცესის სახით ჰპოვებს ასახულობას. ინოვაციურობა თავის მხრივ წარმოადგენს კომპლექსური ხასიათის მო- ვლენას, რომელიც აერთიანებს მეცნიერებას, ტექნოლო- გიას, ასევე ეკონომიკურ და მმართველობით საკითხებს. ვინაიდან ტექნოლოგიები ადამიანის მუნყოფიერების უკლებლივ ყველა სფეროში შეღწევადობის მაღალი დონით ხასიათდება, სწრაფი საზოგადოებრივი პროგ- რესი დიდწილად დამოკიდებულია იმაზე თუ რამდენად წარმატებით ხორციელდება სწორი ინოვაციური პოლი- ტიკა. ამ პროცესს, როგორც წესი განსხვავებული სახე და სპეციფიურობა გააჩნია მაგრამ უალტერნატიოა, რომ ინფორმაციულ ეპოქაში სამეცნიერო-ტექნოლოგიური პროგრესისა და ინოვაციური აქტიობის სტიმულირება სახელმწიფოებრივ პრიორიტეტს უნდა წარმოადგენდეს. ინოვაციურობა, როგორც აღვნიშნეთ, რთული და მრავა- ლწახნაგოვანი პროცესია, მის თითოეულ კომპონენტს განსაზღვრული როლი ეკისრება საბოლოო შედეგის მიღებაში თუმცა, უნდა აღინიშნოს, რომ ინფორმაციულ საზოგადოებაში, რომელიც “ინოვაციური სიჭარბით” ხასიათდება, “სიახლეების სოციალიზაციის” ტრადი- ცული ფორმები არასაკმარისია. ამდენად მხოლოდ სა- ზოგადოების ინოვაციური კულტურისა და ინოვაციური პოლიტიკის დონის ამაღლების შემთხვევაშია შესაძლე- ბელი ,,სიახლეებზე ორიენტირებული” ინსტიტუტების ჩამოყალიბება.