საქართველოს საფონდო ბირჟის ისტორიისთვის

ანოტაცია

საქართველოს საფონდო ბირჟა 1999 წელს შეიქმნა. მისი შექმნის საფუძველი 1998 წლის 24 დეკემბერს ამერიკელი ექსპერტების დახმარებით შემუშავებულმა კანონმა ფასიანი ქაღალდების ბაზრის შესახებ განაპირობა. საფონდო ბირჟა ფასიანი ქაღალდების ბაზრის მნიშვნელოვან რგოლს წარმოადგენს, მის გარეშე შეუძლებელია აღნიშნული სფეროს ფუნქციონირება და აქედან გამომდინარე ის როგორც სააქციო საზოგადოება 1999 წლის 5 იანვარს დაფუძნდა USAID-ის დახმარებით. 2000 წლის 14 იანვარს მასზე საქართველოს ფასიანი ქაღალდების ეროვნული კომისიის მიერ გაიცა საფონდო ლიცენზია #90001, 2000 წლის 23 მარტს პირველი ვაჭრობა ჩატარდა, პირველი გარიგება 2000 წლის აპრილის თვეში დაიდო. აქედან მოყოლებული აქტიურად დაიწყო საფონდო ბირჟამ ფუნქციონირება.