სამთავრობო პროგრამის პოლუსები
ანოტაცია
გასული წლის დასასრულს საქართველოში მიმდინარე პოლიტიკურმა, სოციალურ-პოლიტიკურმა და სოციალურ-ეკონომიკურმა მწვავე კრიზისულმა მოვლენებმა დღის წესრიგში დააყენა ქვეყნის აღმასრულებელი ხელისუფლების პროგრამის ძირითად მიმართულებათა ტრანსფორმაციისა და ახალი ორიენტირების ჩამოყალიბების აუცილებლობა. გამომდინარე აქედან, 2008 წლის იანვარში საქართველოს პარლამენტმა ნდობა გამოუცხადა საქართველოს მთავრობის ახალ შემადგენლობას და სამთავრობო პროგრამას ერთიანი საქართველო სიღარიბის გარეშე, რომელიც თავისი ფორმითა და შინაარსით, შეიძლება ითქვას, ძირითადად განსხვავდება მისი წინამორბედი სამთავრობო პროგრამისგან ერთიანი და ძლიერი საქართველოსათვის, რომლის მოქმედების ვადა მხოლოდ 4-იოდე თვით შემოიფარგლა.











