საერთაშორისო რეიტინგებში ასახული საქართველო

ანოტაცია

მსოფლიოში მიღებული პრაქტიკა განვითარების შესაფასებლად და გასაზომად ეფუძნება არა მხოლოდ ქვეყნის ეკონომიკის ზრდის მაჩვენებლებს, არამედ განვითარებისთვის მნიშვნელოვანი სხვა ფაქტორების შეფასებასაც. დღევანდელ ცვალებად სამყაროში რეიტინგებსა და ინდექსებს მრავალი საერთაშორისო ორგანიზაცია თუ ინსტიტუტი აქვეყნებს, რომელთა მნიშვნელობა განსაკუთრებით აქტუალური გახდა გლობალიზაციის ფონზე, როდესაც მსოფლიო ეკონომიკაში სრულიად ახალი ტიპის კონკურენტული გარემო ჩამოყალიბდა.