უცხოური ინვესტიციების თეორიულ-მეთოდოლოგიური საფუძვლები

ანოტაცია

სტატიაში განხილულია უცხოური ინვესტიციების და ინვესტირებისადმი მიძღვნილი შრომათა  ციკლის  თეორიულ-მეთოდოლოგიური  ასპექტები. 

საქართველოში უცხოური ინვესტიციების მოზიდვა ჩვენს მიერ მოიაზრება, როგორც ინვესტიციების ბაზრის ოპტიმალურად ფორმირების აუცილებელი პირობა. იგი უზრუნველყოფს მსოფლიო მეურნეობაში საქართველოს ეკონომიკის რეალურად ჩართვას და გვესახება ეკონომიკის კრიზისული მდგომარეობის გადალახვის, მისი სტრუქტურული გარდაქმნის, წარმოებრივი პოტენციალის თანამედროვე ტექნოლოგიურ დონეზე გადაყვანის მნიშვნელოვან და გამოცდილებით დადასტურებულ საშუალებად;

შრომაში  „უცხოური ინვესტიციების  თეორიულ-მეთოდოლოგიური საფუძვლები“ დასაბუთებულია, რომ უცხოური ინვესტიციები დღეს საგაერო ბაზრებზე საქონლის და მომსახურეობის მიწოდების მთავარი ინსტრუმენტი და საერთაშორისო ეკონომიკური ურთიერთობების ერთ-ერთი უმნიშვნელოვანესი სფეროა. ისინი სულ უფრო მზარდ გავლენას ახდენენ მსოფლიო ეკონომიკური კავშირების მასშტაბზე, მიმართულებებსა და სტრუქტურაზე;

გაანალიზებულია მეცნიერ-ეკონომისტების შეხედულებები უცხოური ინვესტიციების შესახებ აღიარებული ფორმების სწრაფი ევოლუციის მიზეზები და ამჟამად გლობალიზაციის ფონზე მათი კვლევის მეთოდოლოგიური პრინციპები.

ზემოთაღნიშნული თვალსაზრისიდან გამომდინარე, მოტანილია უცხოური ინვესტიციების განმარტების და ეკონომიკური შინაარსის ახსნის ემპირიული კვლევა, კერძოდ, მისი განმარტება წარმოდგენილია უცხოური ინვესტიციების ცნება საერთაშორისო სამართალში სეულის კონვენციის, აგრეთვე საერთაშორისო სავალუტო ფონდის და „საინვესტიციო საქმიანაობის ხელშეწყობისა და გარანტიების შესახებ“ საქართველოს კანონის  მიხედვით;

ინვესტიციების მსოფლიო ბაზრის ინტეგრაციული პროცესების, ეკონომიკის გლობალიზაციის ფონზე დასმულა საკითხი უცხოური ინვესტიციების მოზიდვის აუცილებლობისა და შესაძლებლობების შესახებ. ამასთან, ვითარდება მოსაზრება მასზე, რომ მხოლოდ ინვესტიციების თამამად მოზიდვა კი არ უნდა იყოს ამოსავალი წერტილი, არამედ უნდა მოხდეს ქვეყანაში დაგროვილი სიმდიდრის  შენარჩუნება და უცხოური ინვესტიციების დაბანდებისას ქვეყნის ეროვნული ინტერესების დაცვა; უცხოური ინვესტიციები უნდა ასრულებდეს ეკონომიკური ზრდის კატალიზატორის როლს.

 სტატიაში გაანალიზებული და ახსნილია საქართველოს ეკონომიკაში პირდაპირი უცხოური ინვესტიციების მოზიდვაში არსებული სიძნელეები და არასწორი ორიენტირები; აქვე წამოყენებულია მათი აღმოფხვრის რეკომენდაციები, რომ პირველ რიგში, ამ სფეროში საჭიროა სწორი ეროვნული ეკონომიკური პოლიტიკისა და სტრატეგიის შემუშავება და განხორციელება.

შრომაში განხილულია უცხოური ინვესტიციების განხორციელების მნიშვნელოვანი ფორმები,  კერძოდ: პირველ რიგში ეს არის ახალი საწარმოების შექმნა ან მოქმედი საწარმოების შეძენა; კაპიტალის დაბანდების კიდევ ერთი, მეორე ფორმაა საწარმოების შეძენა ადგილობრივი ნედლეულის გადამუშავებით, ისე, რომ საგარეო ბაზარს მიეწოდოს ამ ნედლეულის გადამუშავების შედეგად მიღებული პროდუქცია; მესამე ფორმა - იმ ქვეყნებში, სადაც ხდება საერთოდ ტექნიკის ექსპორტი (სამხედრო და სამოქალაქო), ამ ტექნიკისთვის ლოჯისტიკური და სერვისული სისტემების შექმნა, რაც აუცილებელი პირობაა ამ მდგრადი ბაზრის შესანარჩუნებლად.; მეოთხე ფორმაა აქტივების ნაწილის ან მთლიანად ამ აქტივების შესყიდვა ქართული ენერგორესურსების იმპორტიორ ქვეყნებში. ქართული კაპიტალის ასეთი დაბანდება საზღვარგარეთ ამარტივებს, ასუსტებს ენერგომატარებელთა ტრანზიტორ ქვეყნებზე დამოკიდებულებას და ამაღლებს ენერგორესურსების მიწოდების საიმედოობას უცხოელი პარტნიორებისთვის; მეხუთე ფორმა _ ეს არის ზოგიერთ ქვეყანაში სამრეწველო ობიექტების მშენებლობა კომერციულ საწყისებზე; დაბოლოს, მეექვსე ფორმაა კაპიტალის მონაწილეობა სხვადასხვა პროგრამის განხორციელებაში უცხოეთში უცხოელ პარტნიორებთან ერთად, რაც დამახასიათებელია ზოგიერთი დარგებისთვის.