საქართველო საერთაშორისო ტურისტულ ბაზარზე

Abstract

ტურიზმი საქართველოში ეროვნული ეკონომიკის განვითარების პრიორიტეტულ მიმართულებადაა აღიარებული და ეს, შემთხვევითი არ არის. ის მსოფლიოში ერთ-ერთი ყველაზე დინამიურად განვითარებადი და მაღალშემოსავლიანი დარგია. მსოფლიო ტურიზმის ორგანიზაციის (UNWTO) სტატისტიკური მონაცემებით 2011 წელს საერთაშორისო ტურიზმიდან შემოსავალი ტრილიონს მიუახლოვდა და 919 მლრდ. აშშ დოლარზე (693 ევრო) მეტი შეადგინა. 2009-2010 წლებში

დაფიქსირდა მოგზაურთა 4,5-5% ზრდა, რაც 2011 წელსაც შენარჩუნდა. ტურიზმის სფეროში მსოფლიოში არსებული სამუშაო ძალის 16%-ზე მეტია დასაქმებული. ამ დარგში იქმნება მსოფლიო შიდა პროდუქტის 9,2%, ხოლო საერთაშორისო ექსპორტის 4,3% და მსოფლიო ინვესტიციების 9,2% ხორციელდება, 2011 წლისთვის ის მიუახლოვდა მსოფლიო ეკონომიკურ კრიზისამდე არსებულ დონეს, რაც მიანიშნებს იმაზე, რომ დარგის განვითარება კვლავაც გრძელდება.