პიროვნება დროში
ანოტაცია
ადამიანს დაბადებისთანავე უფალი დააბედებს სიყვარულს, შრომისმოყვარეობას, ერთგულებას, რომელიც თავის ცხოვრების განმავლობაში, მისი შესაძლებლობებიდან გამომდინარე, უნდა შეძლებისდაგვარად გამოიყენოს. ზოგი ამას კარგად ახერხებს, ზოგი კი საერთოდ ვერ უმკლავდება ამ გამოწვევებს.
ჩვენს ძვირფას უფროს მეგობარს, ქვეყნისა და ერის წინაშე უდიდესი დამსახურების მქონე, სახელმწიფო და საზოგადო მოღვაწეს, კოლხური ტრადიციების ერთგულ გამტარებელს, ღირსეულ პიროვნებასა და ღვაწლმოსილ მეცნიერ-ეკონომისტს, აკადემიკოსს ბატონ ნოდარ ჭითანავას, უფლის მიერ მინიჭებული ყველა მადლი და სიკეთე, მისი ყმაწვილკაცობიდან დღემდე უმაღლეს დონეზე აქვს გათავისებული და მისი 85 წლის ცხოვრებისა და მოღვაწეობის ყველა ეტაპზე, მან მაქსიმალური რეალიზაცია მოახდინა.